សូមឧទ្ទិសដល់វិញ្ញាណខ័ន្ធលោកស៊ិនស៊ីសាមុត!!

ខ្ញុំគ្មាននិស្ស័យជាអ្នកចម្រៀងទេ តែខ្ញុំចូលចិត្តស្តាប់ចម្រៀងជាពិសេសគឺចម្រៀងរបស់លោកស៊ិនស៊ីសាមុត និងរបស់អ្នក
ស្រីរស់សេរីសុទ្ធា។ ខ្ញុំមានអារម្មណ៍ថា ជំពាក់គុណលោកទាំងពីរ!!

ខ្ញុំចាប់ផ្តើមស្តាប់ចម្រៀងរបស់លោកដំបូងក្នុងវ័យកុមារប្រហែលនៅឆ្នាំ១៩៦៣ ដែលខ្ញុំមានអាយុ៦ឆ្នាំនៅពេលដែលអ្នក
ជិតខាងរបស់យើងបើកវិទ្យុស្តាប់បទចាក់ផ្សាយដោយវិទ្យុជាតិ នោះគឺបទ«វិស្សមកាលក្រុងកែប»។ ក្រោយមកចម្រៀងស្នេហា
ជាតិនៅដើមឆ្នាំ១៩៧០ ធ្វើឱ្យខ្ញុំនឹកស្រណោះដល់ស្រុកយើងដែលរងទុក្ខលំបាកឥតល្ហែ ហើយកាលខ្ញុំរៀននៅមធ្យមសិក្សា
ពេលខ្ញុំធ្វើលំហាត់រូបវិទ្យាឬគណិតវិទ្យាបណ្តើរ ខ្ញុំតែងបើកវិទ្យុតិចៗស្តាប់ចម្រៀងលោកដែរ។ ចម្រៀងរបស់លោកស៊ិនស៊ីសា
មុត ពេលខ្លះក៏មានន័យស្របទៅនឹងអារម្មណ៍ឬមនោសញ្ចេតនាយុវវ័យរបស់ខ្ញុំថែមទៀត។ នៅដើមឆ្នាំ១៩៧៦ នៅពេលដើរ
ទៅកាន់ការដ្ឋានកសាងប្រព័ន្ធភ្លឺស្រែក្រឡាចត្រង្គនៅខាងត្បូងវត្តបារាយណ៍ តំបន់៤១ ខ្ញុំដើរកាត់ក្បែររថយន្តហ្សេអឹមសេមួយ
គ្រឿងដែលយុទ្ធជនអ្នកបើកដេកស្តាប់ឮល្វើយៗ។ ឱពិរោះអ្វីម្ល៉េះទេ !

លោក ស៊ីន-ស៊ីសាមុត (ឬ ស៊ិន ស៊ីសាមុត) កើតនៅថ្ងៃទី ២៣ខែសីហាឆ្នាំ១៩៣២ ត្រូវនឹងឆ្នាំរកា។ លោកទទួលមរណភាពដោយដៃកូនចៅប៉ុលពតនិងនួនជានៅថ្ងៃទី ១៨ ខែមិថុនា ឆ្នាំ ១៩៧៦ ក្រោមរបបមួយប្រកាន់ទស្សនៈថា អ្នកចម្រៀងទាំងនេះសុទ្ធតែ
ជាជនពាលាអាវ៉ាសែ។

តាមពិត លោកស៊ិនស៊ីសាមុតនិងអ្នកចម្រៀងដទៃទៀត ព្រមទាំងតន្ត្រីករ និងអ្នកនិពន្ធទំនុកច្រៀងនិងបទភ្លេងជាអ្នកដែល
លើកស្ទួយសិល្បៈចម្រៀងខ្មែរឱ្យឡើងដល់កម្រិតកំពូលនៅបណ្តាទសវត្សទី៧០។ ពលរដ្ឋយើងដែលមានអាយុ៥០ឆ្នាំឡើង និងយុវ
ជនឥឡូវមួយចំនួនផ្តល់តម្លៃខ្ពស់ដល់ចម្រៀងដែលលោកបន្សល់ទុកដែលជួយផ្លូវចិត្តរបស់យើងបានធូរស្រាលដែរ។ ខ្ញុំមិនប្រាកដ
ថាពិត កម្រិតណាទេ តែខ្ញុំបានឮគេនិយាយប្រាប់ថា រូបលោកត្រូវបានផលិតកម្មបរទេសជាច្រើនសុំ«ទិញ» តែលោកមិនព្រមទៅបម្រើពួកបរទេសដើម្បីតែផលប្រយោជន៍ផ្ទាល់ខ្លួននោះទេ នេះជាឧត្តមគតិនិងមនសិការរបស់លោក !

ពាក្យស្លោកខ្មែរមួយពោលថា«កាលនៅរស់ឱ្យគេស្រឡាញ់ ពេលទៅវិញឱ្យគេសោកស្តាយ!» មានភាពប្រាកដនិយមណាស់ចំពោះរូបលោក!

សូមលំឱនកាយគោរពវិញ្ញាណខន្ធលោក និងសូមឱ្យលោកបានទៅកាន់សុគតិភពកុំបីឃ្លៀងឃ្លាតឡើយ!!

អត្ថបទ និង រូបភាពទាំងស្រុង របស់លោកគ្រូបណ្ឌិត  Chhengsorn Yin

at  10:56 PM -  by Admin

សូមឧទ្ទិសដល់វិញ្ញាណខ័ន្ធលោកស៊ិនស៊ីសាមុត!!

សូមអបអរចំពោះការផលិតប្រកបដោយការទទួលខុសត្រូវ

តើបងប្អូនកសិករទាំងនេះគួរធ្វើដូចម្តេច? ប្រសិនបើបងប្អូនអាចផលិតបានក្នុងបរិមាណច្រើន និងអាចផ្គត់ផ្គង់ជា

ទៀងទាត់ផងនោះ ខ្ញុំស្នើជូនជាគំនិតខ្លះដូចជា៖

១/ ដាក់អាសយដ្ឋានភូមិ ស្រុក ខេត្ត និងលេខទូរស័ព្ទដើម្បីអតិថិជនងាយទាក់ទង

២/ ចងក្រងអ្នកដែលផលិតបែបនេះជាក្រុម ហើយចាត់តំណាងមកស្វែងរក៖

ក/ អតិថិជនជាអង្គភាពដូចជាកន្លែងលក់ម្ហូប អាហារដ្ឋានក្នុងអង្គភាព ភោជនីយដ្ឋានឬសណ្ឋាគារជាដើម។

ខ/ នៅភ្នំពេញ បច្ចុប្បន្នមានហាងឬផ្សារលក់់កសិផលធម្មជាតិនិងផ្សារទំនើបដូចជា Lucky, Makro ជាតួយ៉ាង។

សាកល្បងជួបផ្នែកផ្គត់ផ្គង់របស់គេ ក្រែងគេត្រូវការកិច្ចសហការក្នុងភាពជា«កិច្ចសន្យាផលិត»(Contract farming)

ដែលជាការផលិតក្រោមតម្រូវការរបស់គេមានដូចជាវិធីនៃការដាំ ស្តង់ដារផលិតផលនិងគុណភាព អនាម័យ ការវេចខ្ចប់ បរិមាណ កាលវេលានៃការប្រគល់ ថ្លៃ និងទីកន្លែងត្រូវប្រគល់ ។ល។

ក្នុងការផលិតនិងលក់ជូនអតិថិជនក្នុងចំណុចក ឬខក៏ដោយ បងប្អូនត្រូវដឹងពីសមត្ថភាពផលិត ភាពដោយ

ឡែកនៃផលិតផលរបស់ខ្លួន ចម្ងាយដល់ចំណុចដែលត្រូវប្រគល់ បញ្ហាដែលខ្លួនលំបាកជំនះបាន (ឧទា ទឹក ទុន )

និងត្រូវដឹងពីចំណាយថ្លៃដើមរបស់ខ្លួននិងថ្លៃផលិតផលដូចគ្នានៅទីផ្សារ ដើម្បីចៀសវាងការព្រមព្រៀងក្នុងថ្លៃ

និងលក្ខខណ្ឌប្រគល់ទទួលដែលខ្លួនមិនអាចធ្វើបាន ឬដែលគ្មានប្រាក់ចំណេញ។

 អត្ថបទ និង រូបភាពទាំងស្រុង របស់លោកគ្រូបណ្ឌិត  Chhengsorn Yin

at  10:51 PM -  by Admin

សូមអបអរចំពោះការផលិតប្រកបដោយការទទួលខុសត្រូវ

មុខនាទីព្រះសង្ឃក្នុងសង្គមកម្ពុជាឥឡូវដែលគួរពិចារណា!

សម្រាប់សង្គមខ្មែរ ព្រះពុទ្ធសាសនាមានតួនាទីសំខាន់ណាស់មិនអាចបដិសេធបាន។ នៅក្នុងបាវចនាជាតិបានរំលេចនូវសាសនាបន្ទាប់ពីជាតិ និងនៅមុនព្រះមហាក្សត្រ។ ក្នុងជីវភាពប្រចាំថ្ងៃរបស់ខ្លួន ពលរដ្ឋខ្មែរទូទៅមិនអាចរស់នៅដោយគ្មានវត្តអារាមនិងព្រះសង្ឃទេ។ ព្រះសង្ឃជាតំណាងឱ្យព្រះពុទ្ធសាសនាបានចូលរួមក្នុងពិធីខ្លះនៃការរស់នៅដូចជាឡើងផ្ទះ សូត្រមន្តផ្តល់សេរីសួស្តីដល់គូរស្វាមីថ្មីថ្មោងពេលអាពាហ៍ពិពាហ៍ ឬបុណ្យឈាបនកិច្ចជាដើម។ សូម្បីសហគមន៍ខ្មែរនៅបរទេសក៏អាចរៀបចំឱ្យមានវត្តនិងមិនបានជម្រុះនូវពិធីខាងលើដោយគ្មានព្រះសង្ឃទេ។

នៅកម្រិតសង្គមឬជាតិវិញ ព្រះសង្ឃក៏បំពេញតួនាទីសំខាន់ណាស់ដែរដូចជាគណៈអធិបតីនៅពេលដែលឥស្សរជននយោបាយធ្វើការស្បថស្បែរ ជាអ្នកប្រោះព្រំជយន្តោដល់កងទ័ពជាតិដែលទៅច្បាំងការពារទឹកដី ជាអ្នកជួយតម្រង់ចរិយាមាយាទអ្នកដឹកនាំឱ្យប្រកាន់ទសពិធរាជធម៌។ នៅឆ្នាំ១៩៧៣ - ៧៤ សម្តេចសង្ឃហួតតាតក៏ជាបុគ្គលម្នាក់ចង់បាននិងជំរុញឱ្យមានការចរចាសម្រុះសម្រួលរវាងភាគីខ្មែរបដិបក្ខទាំងពីរដែរ។ ក្រៅពីនេះ អ្នកសិក្សាអក្សរសាស្ត្រ ឬប្រវត្តិសាស្ត្រទំនើបរបស់ខ្មែរមិនអាចភ្លេចពីស្នាដៃសម្តេចសង្ឃជួនណាតក្នុងការបង្កើតវចនានុក្រមខ្មែរ ជួយពង្រឹងអក្សរសាស្ត្រជាតិ។ ជាបន្ថែម គេមិនភ្លេចនូវវីរភាពរបស់ព្រះភិក្ខុ ហែមចៀវ ប៉ាងខាត់ ខៀវជុំ..នៅក្នុងការតស៊ូរំដោះជាតិពីអាណានិគមបារាំងនោះទេ។ យើងមិនបរិយាយពីក្នុងរបបកម្ពុជាប្រជាធិបតេយ្យឡើយ។

បច្ចុប្បន្នក៏មានព្រះសង្ឃមួយចំនួនខិតខំធ្វើកិច្ចការសង្គមតាមការផ្សព្វផ្សាយធម៌ប្រៀនប្រដៅពលរដ្ឋយើងដែរ រីឯព្រះសង្ឃខ្លះព្យាយាមរក្សាការពារព្រៃឈើឱ្យនៅគង់វង្ស និងកិច្ចការសង្គមខ្លះទៀត។ ទន្ទឹមគ្នានេះក៏មានព្រះសង្ឃខ្លះបំពានព្រះវិន័យសិក្ខាបទ ដែលពុទ្ធសាសនិកវិនិច្ឆ័យថាពុំគួរឡើយ...។ល។និងល។ ភាពខុសឆ្គងជាបុគ្កល ប៉ុន្តែបើកើតមានច្រើនដង ច្រើនកន្លែងធ្វើឱ្យពលរដ្ឋយើងដែលចូលចិត្តបូកប៉ាតផងមើលស្រាលលើសាសនានិងភាពជាបព្វជិតនេះ។

ព្រះភិក្ខុសានសុជាមានដីកាថា «មនុស្សឥឡូវធ្វើបុណ្យច្រើនណាស់ តែចិត្តបុណ្យមិនសូវមាន» ហើយឃ្លានេះក៏អាចគ្របដណ្តប់មិនចំពោះតែគ្រហស្ថនោះទេ។ទង្វើឆ្គាំឆ្គងហួសប្រមាណរបស់បុគ្គលខ្លះតាំងពីនៅក្នុងភាពជាសង្ឃបន្តរហូតដល់ពេលក្រោយសឹកលាចាគសិក្ខាបទថែមទៀត។ខ្មែរពីបុរាណផ្តល់តម្លៃដល់អ្នកបានបួសខ្លាំងណាស់បើទោះបីជាសឹកជាគ្រហស្ថក៏ដោយ។

ចំពោះពលរដ្ឋដែលមានវ័យចំណាស់ៗ ព្រះសង្ឃគឺជា«ស្រែបុណ្យ»ជាគំរូ។ ដើម្បីពង្រឹងពុទ្ធសាសនានិងគុណធម៌ក្នុងសង្គមយើងឡើងវិញ ខ្ញុំករុណាស្នើថា តើអង្គមហាសន្និបាតសង្ឃទូទាំងប្រទេសអាចពិនិត្យសម្រេចប្រគល់សិទ្ធិទៅគណៈកម្មការវត្តធ្វើការអង្កេត ពិចារណាពីបុគ្គលភាព ចរិត អាកប្បកិរិយានិងប្រវត្តិរបស់បុគ្គលដែលមាន«សទ្ធា»ក្នុងការបួសក្នុងរយៈកាល១ទៅ២ឆ្នាំជាមុន បើឃើញថាសមរម្យទើបអនុញ្ញាតឱ្យបួស ដើម្បីកុំឱ្យមានភាពល្អក់កករ អាស្រូវនិងខូចឥទ្ធិពលនៃព្រះពុទ្ធសាសនា!។

 អត្ថបទ និង រូបភាពទាំងស្រុង របស់លោកគ្រូបណ្ឌិត  Chhengsorn Yin

at  12:04 AM -  by Admin

មុខនាទីព្រះសង្ឃក្នុងសង្គមកម្ពុជាឥឡូវដែលគួរពិចារណា!

ការពង្រីក ទីក្រុង ​សាយភាយ ​គ្រប់ទីកន្លែង និង គ្រប់ទិសទី

ការព​ង្រី​ក​ទីក្រុង​សាយភាយ​គ្រប់​ទីកន្លែង និង​គ្រប់​ទិស​ទី​
​រាជធានី​ភ្នំពេញ មាន​ទំហំ​ប្រមាណ ៦៨០ គី​ទ្បូ​ម៉ែត្រក្រទ្បា កំពុង​ពង្រី​ក​មាឌ​យ៉ាង​លឿន​ទៅកាន់ បណ្តា​តំបន់​ជិតៗ ខ្លួន​ដើម្បី​ឆ្លើយតប​ទៅនឹង​កំណើន​យ៉ាង​ឆាប់រ​ហ័​ស​នៃ​ការ​អភិ​វ​ឌ្ឍ​ន៍​ទីក្រុង ។​
​ដោយសារតែ​រាជធានី​ភ្នំពេញ​ត្រូវ​បានគេ​ជឿថា​នឹងមាន​កំ​ណើ​ន​ប្រជា​ជន​រហូតដល់ ២.៥ លាន​នាក់​ក្នុង​ឆ្នាំ ២០៣៥ ដំណោះស្រាយ​ដែល​ប្រសើរ​បំ​ផុត​គឺ​ការសាងសង់​គេហដ្ឋាន និង​ផ្លូវ​ធ្វើ​ដំណើរ​បន្ថែម​ទៀ​ត ។​
​ទោះបីជា​អ្នក​ជំ​នា​ញ​ផ្នែក​អចល​ន​វត្ថុ​បាន​បង្ហាញ​ទស្សនៈ​ផ្សេងៗ​គ្នា​អំពី​ទិសដៅ និង​ទីតាំង​សំខាន់ៗ នៃ​ការ​ព​ង្រី​ក​ទីក្រុង​ក្តី តែ​វិរះ​ស្ថាបត្យករដ៍​ល្បី​ឈ្មោះ​របស់​កម្ពុជា លោក វណ្ណ មុន្នី​វណ្ណ បាន​បញ្ចាក់​ថា វិធីសាស្ត្រ ដ៍​ល្អ​បំផុត​ក្នុងការ​ព​ង្រី​ក​ទីក្រុង​គឺ​គួរ​ធ្វើ​ទៅកាន់​ទិស​ខាងត្បូង​នៃ​ទីក្រុង​ភ្នំ​ពេញ ។ ការ​ព​ង្រី​ក​ទីក្រុង​ទៅកាន់​ទិស​ខាង ត្បូង​នៃ​ទីក្រុង​ភ្នំពេញ​គឺ​ជាដំ​ណោះ​ស្រាយ​ល្អ​ជាង​ការ​ព​ង្រី​ក​ទៅកាន់​ទិស​ខាង​លិ​ច​ដោយសារ​សណ្តាន​ដី​នៅ​តំ​បន់ ទិស​ខាងត្បូង​នៃ​ទីក្រុង​ភ្នំពេញ​មានកំ​ពស់​ខ្ពស់ជាង​ទឹក​ទ​ន្លេ ដូច្នេះ​វា​ជួយ​បញ្ចៀស​គ្រោះ​ទឹក​ជំ​នន់ នេះ​បើ​តាម​សម្តី ដែល​លោក​បាន​ប្រាប់​ទៅកាន់ B2B Cambodia ក្នុង​ឆ្នាំ ២០១៦ ។​
​ខណ្ឌ​មាន​ជ័យ ដែល​មាន​សង្កាត់​ស្ទឹង​មាន​ជ័យ បឹង​ទំ​ពន់ ចាក់អង្រែលើ ចាក់អង្រែ​ក្រោម នៃ​ទិស​ខាង ត្បូង​ឈៀង​ខាងកើ​តត្រូវបាន​អភិ​វ​ឌ្ឍ​ន៍​យ៉ាង​សស្រាក់សស្រាំ​ក្នុង​រយៈពេល ៥ ឆ្នាំ​ចុងក្រោយ​នេះ ។ យោងតាម របាយ​ការ​ចុងក្រោយ​បំផុត​ចេញ​ដោយ ក្រុមហ៊ុន​វាយតម្លៃ​អចល​ន​វត្ថុ VTrust ស្តីពី​ការសិក្សា​ពី​ទីផ្សារ​ខណ្ឌ​មាន ជ័យ​ប្រចាំឆ​មាសទី​មួយឆ្នាំ​២០១៧ បានអោយដឹងថា​៖ ខណ្ឌ​មាន​ជ័យ​មានភាព​រីកចម្រើន​ខ្លាំង​លើ វិស័យ​សំ​ណង់​លំ​នៅ​ដ្ឋា​ន និង​សំណង់​ពាណិជ្ជកម្ម ។ 
​ទោះបីជា​មាន​បញ្ហា​ខ្លះៗ​ពាក់​ព័ន្ធ​នឹង​វិ​ស័​យ​សំ​ណា​ង់​នៅ​ប៉ុន្មាន​ឆ្នាំ​ចុងក្រោយ​នេះ​ក្តី តំ​លៃដី​នៅ​ខណ្ឌ​មាន​ជ័​យ​នៅតែ​បន្ត​កើន​ទ្បើង ៥.៦ ភាគ​រយ បើសិន​ប្រៀបធៀប​ជាមួយ​តម្លៃ​ដី​នៅពេល​នេះ​ឆ្នាំមុន ។ ខណ្ឌ​នេះ​មាន​ដី​ទំ​នេ​រ​សល់​ច្រើន ឧទាហរណ៍​ដូចជា​គ​ម្រោង​អភិវ​ឌ្ឍ​ន៍​ទីក្រុង​រណប ING ទំហំ ២,៥៧២ ហិកតា ធ្វើអោយ​មនុស្ស​ជាច្រើន​បន្ត​អភិ​វ​ឌ្ឍ​ន៍ និង​មាន​អ្នក​ទិញដី​ជាច្រើន​ចង់បាន​ដី​មួយកន្លែង​នៅក្នុង​ខណ្ឌ​នោះ ។ 
​ខណ្ឌ​មាន​ជ័យ​មាន​អាត្រា​ប្រជា​ជន​ប្រហែល ២០០,០០០ នាក់ មាន​ព្រំប្រទល់​ជាប់​ខណ្ឌ​ចំ​ការ​មន ច្បារ​អំពៅ និង​ខណ្ឌ ពោធិ៍​សែន​ជ័យ ។ ដោយសារតែ​ផ្លូវ​សម្តេច​ហ៊ុនសែន (​ផ្លូវ ៦០ ម៉ែត្រ​) ត្រូវ​បានបញ្ចប់ ការសាងសង់ ក្រុមហ៊ុន​វាយតម្លៃ​អចល​ន​វត្ថុ VTrust យល់ឃើញថា​គ​ម្រោង​លំនៅ​ដ្ឋា​ន​ជាច្រើន​នឹង​រីក​ដុះ​ដាល នៅ​ទៅ​នេះ ។ 
​ផ្ទះល្វែង​ទាបៗ ជាង ១,៥០០ ល្វែង​ត្រូវ​បានបញ្ចប់​ការសាងសង់​នៅក្នុង​ឆ្នាំ ២០១៦ ខណៈ​នៅ​ចុងឆ្នាំ​២០១៧ យើង​នឹង​ដឹងថា​មានផ្ទះ​លែង​ជាង ២,៧០០ ល្វែង​ទៀត​ត្រូវបាន​សាងសង់​បន្ថែម​នៅ ក្នុង​ខណ្ឌ​មាន​ជ័យ នាំអោយ​ការ​ផ្គត់​ផ្គង់​ផ្ទះល្វែង​សរុប​កើន​ដល់​ជាង ៩,៤០០ ល្វែង ។ 
​ការរីកចម្រើន​ក្នុង​វិស័យ​ហេ​ដ្ឋា​រ​ចនាស​ម្ព័​ន្ធ និង​ការ​ព​ង្រី​ក​ផ្លូវ​ជាច្រើន​បានធ្វើអោយ​ដី​ទ្បើង​ថ្លី​ខ្ពស់ ។ នៅក្នុង​ខណ្ឌ​មាន​ជ័យ តម្លៃ​ដី​គឺ​មាន​ច​ន្លោះ​ពី ១,៤៥០ ដុល្លារ ទៅ ៤,៤៧០ ដុល្លារ ក្នុង​មួយ​ម៉ែត្រ​ក្រ​ទ្បា ហើយ​យើង​គួរតែ​អរគុណ​ទៅដល់​សាងសង់​ផ្លូវ​សម្តេច ហ៊ុនសែន (​ផ្លូវ ៦០ ម៉ែត្រ​) និង​ផ្លូវ​ចំ​ការដូង ។ 
​របាយការណ៍​បាន​បញ្ជាក់ថា ការ​អភិ​វ​ឌ្ឍ​ន៍ទី​ក្រុងគឺ​មិន​មាន​តែ​នៅក្នុង​ខណ្ឌ​មាន​ជ័​យ​តែមួយ​ទេ ។ ការ​សាយភាយ​នៃ​ការ​ព​ង្រី​ក​ទីក្រុង​គឺ​រុក​រុល​ទៅ​គ្រប់​ទឹ​ស​ទី​ទាំងអស់ ជាពិសេស​នៅក្នុង​ខណ្ឌ​សែន​សុខ ភាគ​ខាងជើង ខណ្ឌ​ពោធិ៍​សែន​ជ័យ​ភា​គខាង​លិ​ច និង​ខណ្ឌ​ជ្រោយចង្វារ​នៅ​ភាគ​ខាងកើត ។ 
​ខណ្ឌ​ពោធិ៍​សែន​ជ័យ​មានផ្ទះ ២៦,៨០០ ល្វែង បាន​សាងសង់​ចប់ និង​កំពុងតែ​បញ្ចប់​បន្ថែម​ទៀ​ត ខណៈ​ខណ្ឌ​សែន​សុខ​មានផ្ទះ ប្រហែល ១៨,៤០០ ល្វែង ជិត​ស្មើនឹង​ខណ្ឌ​ពោធិ៍​សែន​ជ័យ ។ 
​“​ខណៈពេលដែល​ទិន្ន​ន័យ និង​ទំនោះ​ខាងលើ​គឺជា​ឧទាហរណ៍​ស្រាប់​ដែល​អាច នាំអោយ​យើង មើលឃើញ​ពី​ល្បឿន​នៃ​ការ​ព​ង្រី​ក​ទីក្រុង​កាន់តែ​លឿន ការសាងសង់​គ​ម្រោង​ផ្ទះល្វែង​កំ​ពុង ដុះដាល​ទៅ គ្រប់​ទិស​ទី បង្កើត​ទៅ​ជាទី​លំនៅ​ថ្មី និង​ចរាចរ​ថ្មី​ដើម្បី​កាត់បន្ថយ​ការកកស្ទះ​ចរាចរ​នៅក្នុង​ទីក្រុង នេះ​បើ តាម​ការបញ្ជាក់​របស់​លោក ហឿម សីហា អ្នកនិពន្ធ​របាយ​ការ និង​ជា​នាយក​នៃ​ក្រុមហ៊ុន VTrust” ។  

at  6:52 PM -  by Admin

ការពង្រីក ទីក្រុង ​សាយភាយ ​គ្រប់ទីកន្លែង និង គ្រប់ទិសទី

មហាសេដ្ឋី ពុង ឃាវសែ តារាជំនួញ «អាត់កឺ» នៅកម្ពុជា?

មហាសេដ្ឋី ពុង ឃាវសែ តារាជំនួញ«អាត់កឺ»នៅកម្ពុជា?
«ធ្វើជាអ្នកមានមិនមែនស្រួលដូចការគិតនោះទេ។ ធ្វើការគ្មានពេលសម្រាកទេ កុំថាឡើយ ថ្ងៃសៅរ៍ ថ្ងៃអាទិត្យនោះ មិនថាយប់ មិនថាថ្ងៃ…។ ខ្ញុំមិនអាចដាក់អំរែកការងារខ្ញុំដើម្បីឈប់សម្រាក ឬ ចូលនិវត្តន៍ពីមុខជំនួញខ្ញុំឡើយ!»

«ខ្ញុំ​មានអំ​រែក​ធ្ង​ន់​ណាស់​សម្រាប់​បុគ្គលិក​របស់​ខ្ញុំ​ប្រមាណ​ជាង ១​ម៉ឺន ៤​ពាន់​នាក់ និង​ការជួយ​អភិ​វ​ឌ្ឍ​ប្រទេសជាតិ​របស់ខ្ញុំ​។ ដូច្នេះ ខ្ញុំ​មិន​អាចឆ្លើយទៅ​នឹង​សំ​ណួ​រ​របស់​ប្អូន (​ខេ​ម​បូ​ណូ​មីស​) ថា ខ្ញុំ​ចូលនិវត្តន៍​ពីការងារ​មុខ​ជំ​នួ​ញ​របស់​ខ្ញុំ​នៅពេលណា​នោះ​ឡើយ​»​។​
​
ពាក្យពេចន៍ខាងលើនេះ គឺជាប្រសាសន៍លើកឡើងដោយភាពម៉ឺងម៉ាត់ដាច់ខាត លាយឡំនឹងស្នាមញញឹមរបស់អ្នកឧកញ៉ា ពុង ឃាវសែ ដែល​ជា​វិនិយោគិន ​និង ​ពាណិជ្ជករ​ដ៏ល្បីល្បាញ​បំផុត ​ប្រចាំ​ប្រទេស​កម្ពុជា ដែលសារព័ត៌មាន អេឡិចត្រូនិក ខេមបូណូមីស បានជួបសម្ភាសន៍ផ្តាច់មុខមួយ កាលពីពេលថ្មីៗនេះ។
លោកឧកញ៉ា ពុង ឃាវសែ បានមានប្រសាសន៍បន្តយ៉ាងដូច្នេះថា ៖ «សព្វថ្ងៃ ខ្ញុំប្រឹងណាស់ ហត់នឿយណាស់ ប៉ុន្តែ កូនខ្ញុំគេមិនសរសើរទេ ព្រោះឪវាធ្វើការនឿយពេក (សើច…) ធ្វើជាថៅកែគេ មេដឹកនាំគេ ត្រូវតែធ្វើជាគំរូល្អដល់ពួកគេ ខ្ញុំគ្មានពេលទំនេរវាយកូលហ្គោលដូចអ្នកមានដទៃទេ សម្ពាយរបស់ខ្ញុំធ្ងន់ណាស់ សម្រាប់ចិញ្ចឹមបុគ្គលិកខ្ញុំ ជាង ១៤.០០០នាក់ និងសម្រាប់អភិវឌ្ឍប្រទេសជាតិខ្ញុំឲ្យជឿនលឿនដូចគេ ដូច្នេះខ្ញុំត្រូវតែប្រឹង…»។

ដោយសារតែ​ហេតុផលទាំងអស់​នេះហើយ ដែលបានធ្វើឲ្យ​កេរ្តិ៍ឈ្មោះរបស់​អ្នកឧកញ៉ា ពុង ឃាវសែ ហាក់បី​ដូចជា​មិន​ស្រុត​ចុះសោះ ពីមួយឆ្នាំ​ទៅមួយឆ្នាំ កាន់តែ​​ល្បីរន្ទឺ​​ឡើងៗ ដោយ​លោក​​ទទួលបាន​នូវភាព​ជោគជ័យ​នៅក្នុង​គម្រោង​​វិនិយោគ​ធំៗ​ជាច្រើន​​នៅក្នុងប្រទេស​កម្ពុជា ក៏ដូចជា​​ក្រៅប្រទេស​មួយចំនួន នៅក្នុងតំបន់​អាស៊ី ពិសេស ជាមួយ​ដៃគូ​វិនិយោគ​​ដ៏ស្អិត​ល្មួត​​របស់​កម្ពុជា គឺ ចិន។
ជាអ្នក​វិនិយោគដ៏​មានឥទ្ធិពល​និង​រឹងមាំបំផុត​អស់រយៈពេលជាច្រើន​ទសវត្ស​នៅ​ក្នុងពិភព​ជំនួញនៅ​កម្ពុជាក៏ដូច​ជា​ក្រៅប្រទេស ដែល​មហាជន​ ដាក់រហស្សនាម ​ក្រៅផ្លូវការ​ឲ្យលោក ឧកញ៉ា ពុង ឃាវសែ ថា ជាតារាជំនួញ​អាត់កឺ ដែលជាអ្នកជំនួញ​លេចធ្លោ ជាងគេ​ក្នុងចំណោម ​ឧកញ៉ាទាំងអស់ ​នៅកម្ពុជា។  
តារា​ជំនួញ​ លេចធ្លោជាងគេ ​ឬ​រហស្សនាម ​អ្នកជំនួញ «អាត់កឺ»នេះ មិន​មានអ្វី​វាស់ស្ទង់ និង ​វាយតម្លៃ​ឲ្យ​បានជាក់ច្បាស់ ​ពីស្ថាប័ន​ណានោះឡើយ។ ទាំងអស់នេះ គឺលើកឡើងរបស់ មតិសាធារណជន ទូទៅដែលបានវាយតម្លៃ និង តែងតែនិយាយ ក្រៅផ្លូវការតែប៉ុណ្ណោះ។ 
ហើយមែនទែនទៅ សារ​ព័ត៌មាន​អេ​ឡិ​ច​ត្រូ​និច ខេ​ម​បូ​ណូ​មីស ក៏​មិនមាន​ទិន្ន​ន័យ​ច្បាស់លាស់​ណាមួយ​បញ្ជាក់ថា អ្នកឧកញ៉ា ពុង ឃាវ​សែ មាន​ទ្រ​ព្យ​សម្បត្តិ​ច្រើនជាងគេ​បំ​ផុត​នៅ​កម្ពុជា​នោះ​ដែរ​។ ប៉ុន្តែ អ្វី​ដែល​មហា​ជន​មើលឃើញ គឺ​តាម​រយៈ​សកម្មភាព ការ​វិនិយោគដ៏​មហិមា​របស់លោក​ទៅ​លើគ​ម្រោ​ង​ធំៗ​ជាច្រើន ដែល​គ​ម្រោង​នីមួយៗ សុទ្ធតែ​មាន​តម្លៃ​រាប់ពាន់​លាន​ដុល្លារ​អាមេរិក​នៅក្នុង​ប្រទេស​កម្ពុជា​។​
​

តើមហាសេដ្ឋីអាត់កឺ ពុង ឃាវសែ បានវិនិយោគទៅលើអ្វីខ្លះ?
បច្ចុប្បន្ន  អ្នកឧកញ៉ា ពុង ឃាវ​សែ មាន​តួនាទី​សំខាន់ៗ​ជាច្រើន ដូចជា ប្រធាន​ក្រុម​ប្រឹក្សា​ភិ​បាល និង​ជា​អគ្គនាយក​ធនាគារ កាណាឌីយ៉ា អគ្គនាយក​ក្រុមហ៊ុន​វិនិយោគទុន​អា​ណិ​ក​ជន​កម្ពុជា (OCIC) ប្រធាន​សមា​គម​អ្នក​សាងសង់​កម្ពុជា ប្រធាន​សមា​គម​ធនាគា​រ​កម្ពុជា ប្រធាន​សមា​គម ខែ្មរ​-​ចិន និង​តួនាទី​ជាច្រើន​ទៀត​។​
​លោក​ឧកញ៉ា ពុង ឃាវ​សែ បាន​វិនិយោគ​ស្ទើរតែ​គ្រប់​វិ​ស័​យ​ទាំងអស់​នៅ​កម្ពុជា ប៉ុន្តែ អ្វី​ដែល​លេចធ្លោ​ជាងគេ ជា​មុខ​ជំនួញ​ធំៗ​ល្បីៗ​ជាងគេ​ចំនួន​ពីរ គឺ​ការ​វិនិយោគ​នៅក្នុង​វិ​ស័​យ​ធនាគារ ហិរញ្ញវត្ថុ និង សំណង់​អចលន​ទ្រ​ព្យ​។
​នៅក្នុង​មុខ​ជំនួញ​ធនាគារ​និង​ហិ​រញ្ញ​វត្ថុ មិត្ត​អ្នកអាន​ទាំងអស់គ្នា​ប្រាកដជា​បានដឹង​ហើយ គឺ​ធនាគារ​កាណាឌីយ៉ា ដែល​ជា​មុខ​ជំនួញ​ដំ​បូ​ង​របស់​លោក​នៅ​កម្ពុជា ដែល​បច្ចុប្បន្ន​មាន​រហូតដល់​ទៅ ៥៦ សាខា​ទូទាំង​ប្រទេស និង ១​សាខា នៅ​ប្រទេស​ឡាវ​។ លោក​ក៏​មាន​ធនាគារ ប្រៃសណីយ៍​កម្ពុជា ក្រុមហ៊ុន​ធានា​រ៉ាប់រ​ង​អាយុជីវិត សុវណ្ណ​ភូមិ និង​ក្រុមហ៊ុន​ធានា​រ៉ាប់​រង​ទូទៅ Cambodia-Vietnam Insurance Plc. ជា​បន្តបន្ទាប់​។ លោក​បាន​វិនិយោគ​ទៅលើ​សួន​ឧស្សាហកម្ម​កាណាឌីយ៉ា ដែល​មាន​រោងចក្រ​កាត់ដេរ​ស​ម្លៀ​ក​បំពាក់​ប្រមាណ​ជិត ៥០​រោងចក្រ បូករួម​ជាមួយនឹង​ផ្សារ ឃ្លាំង​ស្តុក​ទំនិញ ជាច្រើន​ទៀត ។​
​
រឹតតែល្បីល្បាញ​ជាង​នេះ​ទៅទៀត អ្នកឧកញ៉ា ពុង ឃាវ​សែ បាន​បោះទុន​វិនិ​យោគ​រាប់ពាន់​លាន​ដុល្លារ​អាមេរិក​ទៅ​លើគ​ម្រោ​ង​អភិ​វ​ឌ្ឍ​ន៍​ទីក្រុង​រណប​ចំ​នួន​ពីរ​នៅក្នុង​ទីក្រុង​ភ្នំ​ពេញ ទី​១ ទីក្រុង​រណប​កោះ​ពេជ្រ ដែល​បច្ចុប្បន្ន​កំពុង​ក្លាយជាម​ជ្ឈ​ម​ណ្ឌ​ល​ពាណិជ្ជកម្ម ទេសចរណ៍ ដ៏​ទាក់ទាញ​បំផុត​សម្រាប់​រាជធានី​ភ្នំ​ពេញ ជា​ទីកន្លែង​ប​ណ្តុំ​ទៅ​ដោយ​អគារ​ពាណិជ្ជកម្ម​ធំៗ ខ្ពស់ៗ ដូចជា អគារ​ស្នាក់នៅ​រួម ខុន​ដូ ផ្សារ​ទំនើប សណ្ឋាគារ ដែល​ភាគច្រើន​វិនិយោគ​ដោយ​ចិន ដែល​មាន​តម្លៃ​រាប់ពាន់​លាន​ដុល្លារ​អាមេរិក​។​
​ទី​២ គឺ​ទីក្រុង​រណប​ជ្រោយចង្វារ ទីក្រុង​នៃ​អនាគត ដែល​វិនិយោគ​ដោយ​ក្រុមហ៊ុន​វិ​និ​យោគ​ទុន​អា​ណិ​ក​ជន​កម្ពុជា OCIC ក្រោម​ទុន​វិនិយោគចំ​នួន ១៦០០​លាន​ដុល្លារ​អាមេរិក​នោះ កំពុង​ដំណើ​រការ​ទៅមុខ​យ៉ាង​រលូន ក្នុង​គ​ម្រោង​ប្លង់​មេ និង​មាន​ការសាងសង់​អគារ​ពាណិជ្ជកម្ម​ធំៗ ផ្សារ​ទំនើប លំនៅដ្ឋាន​ប្រណីតៗ អគារ​ស្នាក់នៅ​រួម និង​កន្លែង​កម្សាន្ត​ផ្សេងៗ​ទៀត​។​
​មិនទាន់​អស់​ត្រឹម​នេះទេ អ្វី​ដែល​គួរ​ឲ្យ​កត់សម្គាល់ជាង​នេះ​ទៅ​ទៀ​ត​នោះ គឺ​អ្នកឧកញ៉ា ពុង ឃាវ​សែ បាន​បោះទុន​វិនិ​យោគ​រាប់ពាន់​លាន​ដុល្លារ​អាមេរិក ទៅ​លើគ​ម្រោង​បុ​រីលំ​នៅ​ដ្ឋា​ន និង​អគារ​ពាណិជ្ជកម្ម​ធំៗ ជាច្រើន​នៅក្នុង​រាជធានី​ភ្នំពេញ ដូចជា បុរី​ទ​ន្លេ​បាសាក់ បុរី​ចម្ការ​មន បុរី​វ​រ​ជន អូ​ឡាំ​ព្យា​ស៊ីធី នៅ​ជុំវិញ​ស្តា​ត​អូឡាំពិក សាន់វ៉េ ស៊ី​ធី ទួលគោក លំនៅឋាន​ជាច្រើន​នៅ​ជុំ​វិ​ញ​ផ្សារ​ទំ​នើ​ប​រតនា​ផ្លា​ហ្សា និង​ទល់មុខ​ព្រលាន​យ​ន្ត​ហោះ​អន្តរជាតិ​ភ្នំ​ពេញ អគារ​ផ្សារ​ទំនើប​សូរិយា សុ​វណ្ណា អគារ​ខុន​ដូរ​… និង​បុរី​លំនៅឋាន នៅតាម​បណ្តា​ខេត្ត​មួយ​ចំនួន ដូចជា សៀមរាប បាត់​ដំបង និង​ខេត្ត​ព្រះសីហនុ ។​ល​។ និង ។​ល​។
​
តើអ្នកឧកញ៉ា ពុង ឃាវ​សែ ប្រកាន់​គោលការណ៍​អ្វី​ខ្លះ​ជោគជ័យ​?​
​អ្នកឧកញ៉ា ពុង ឃាវ​សែ បាន​ប្រាប់​ឲ្យ​ដឹងថា មាន​គោលការណ៍​បី​ចំណុច​ដែល​ធ្វើ​ឲ្យ​មុខ​ជំ​នួ​ញ​របស់លោក​តែងតែ​ទទួលបាន​ជោគ​ជ័​យ​។ គោលការណ៍​បី​ចំណុ​ចនោះ ហាក់បីដូចជា​ធម្មតា មិន​មាន​អ្វី​ប្លែក​ទេ ដែល​ឧកញ៉ា​តែងតែ​គោរ​ព​ប្រតិបត្តិ​ជាប់​ជា​និច្ច៖
1.    ភាពស្មោះត្រង់ជាមួយនឹងអតិថិជន ជាមួយដៃគូវិនិយោគធ្វើឲ្យគេជឿជាក់លើយើង មិនបោកប្រាស់គេ 
2.    ភាពអំណត់ឧស្សាហ៍ព្យាយាមក្នុងការងារ និង 
3.    ត្រូវចេះច្នៃប្រឌិតចាប់យកឱកាសល្អៗដើម្បីវិនិយោគ។ 

នរណាខ្លះជាដៃគូវិនិយោគជាមួយលោកឧកញ៉ា ពុង ឃាវសែ? 
អ្នកឧកញ៉ា​បាន​មាន​ប្រសាសន៍ថា លោក​បាន​សហការ​ចាប់​ដៃគូ​វិនិយោ​គជាមួយ​ប្រទេស​មួយ​ចំ​នួន​ដូចជា ថៃ វៀតណាម សិង្ហ​បុរី ម៉ាឡេស៊ី និង​ជាពិសេស ចិន គឺជា​ប្រទេស​ដែល​លោក​ឧកញ៉ា​បាន​វិនិយោគ​ច្រើនជាងគេ និង​ជិតដិត​ជាងគេ ដោយសារតែ​លោក​ឧកញ៉ា​អាច​និយាយ​ភាសា​ចិន​ដូចគ្នា ចិន​មាន​ទុន​ច្រើន និង​មាន​ការគាំទ្រ​ពី​រដ្ឋាភិបាល​។
​លោក​ឧកញ៉ា​នឹង​ចាប់យក​ដៃគូ​វិនិយោ​គជាមួយ​ចិន​ជា​និ​រ​ន្ត​ន៍​។ លោក​ឧកញ៉ា​ថា ការចាប់​ដៃគូ​វិនិយោគ​ជាមួយគ្នា ត្រូវ​មើល​ទៅលើ​ការងារ​ទិសដៅ​ដូចគ្នា និង​ភាព​ស្មោះត្រង់​ជាមួយគ្នា​។ ដូច្នេះ តាម​រយៈ​ការ​វិនិយោ​គជាច្រើន​ខាងលើ​នេះ លោក​ឧកញ៉ា ពុង  ឃាវ​សែ បាន​មាន​ប្រសាសន៍​ប្រាប់ ខេ​ម​បូ​ណូ​មីស ថា លោក​បាន​ចូលរួម​ចំណែកដ៏​សំ​ខាន់​ក្នុង​ការបង្កើត​ការងារ ការ​អភិ​វ​ឌ្ឍ​មុខមាត់​រាជធានី​ភ្នំ​ពេញ​ឲ្យ​កាន់​រីកចម្រើន​ឲ្យ​កាន់តែ​មាន​សម្រស់​ទាក់ទាញ ជាពិសេស ជួយ​ជំរុញ​កំណើ​ន​សេដ្ឋកិច្ច​ប្រទេសជាតិ​ឲ្យ​កាន់តែ​រីកចម្រើន​ផងដែរ​៕​

at  6:51 PM -  by Admin

មហាសេដ្ឋី ពុង ឃាវសែ តារាជំនួញ «អាត់កឺ» នៅកម្ពុជា?

យុទ្ធសាស្រ្ត ជោគជ័យ របស់លោកឧកញ៉ា ពុង ឃាវសែ ក្នុង អាជីវកម្ម អចលនទ្រព្

យុទ្ធសាស្រ្តជោគជ័យ របស់លោកឧកញ៉ា ពុង ឃាវសែ ក្នុងអាជីវកម្មអចលនទ្រព្យ

លោកអ្នក​ប្រហែលជា​បាន​សង្កេតឃើញ​នឹង​ភ្នែក​ហើ​ហើយ​នូវ​សំ​ណង់​ជាច្រើន ដែល​កំពុងតែ​លេចធ្លោ ជាងគេ​នៅ​ភ្នំពេញ​។ អគា​រកា​រិ​យាល័យ​ខ្ពស់ៗ អគារ​ខន់​ដូ​កប់​ពពក និង​តំបន់​ពាណិជ្ជកម្ម​ចំ​រុះ នៅ​ទីតាំង សំខាន់ៗ​របស់​ភ្នំពេញ​គឺ សុទ្ធតែ​ជា​អចល​ន​ទ្រ​ព្យ ដែល​ម្ចាស់​គ​ម្រោង​គឺជា​ក្រុមហ៊ុន វិនិយោគទុន​អ​ណិ​ក​ជន​កម្ពុជា ដែល​បង្កើត​ទ្បើង​និង​ដឹកនាំ​ដោយ​លោក​ឧកញ៉ា ព​ង្ស ខៀវ​សែ​។ តើ​គាត់​ប្រើ​យុទ្ធសាស្ត្រ​អ្វី​ខ្លះ​ដើម្បី​ជោគជ័​យ​ក្នុង​វិ​ស័​យ​ដីធ្លី​នេះ​?​
​
១. ទិញដីដើម្បីអភិវឌ្ឍ មិនទិញដើម្បីចាំដីទ្បើងថ្លៃទេ
អ្នកឧកញ៉ា  ពុង ឃាវ​សែ បាន​អនុវត្ត​យុទ្ធសាស្ត្រ​នេះ​យូរ​មកហើយ​។ ដំបូង​ទ្បើ​យ​គាត់ និង​ក្រុមហ៊ុន របស់​លោក​បាន​អភិ​វ​ឌ្ឃ​ដី​ច្រើន​កន្លែង​មកហើយ តាម​រយៈ​ការសាងសង់​បូរី​ច្រើន​កន្លែង ដូចជា​បុរី ឧទ្យាន​ទ​ន្លេ​បាសាក់ បុរី​ប្រិមប្រិយ (​សៀមរាប​) បុរី​សុ​វណ្ណា បុរី​ជំ​ុ​វិញ Ratana Plaza ជាដើម ពោលគឺ​គាត់​បាន​ចាប់ផ្តើម​កសាង​បុរី​បុរី​មុន​បុរី​ភាគច្រើន​ដែល​កំពុងតែ​សាងសង់​សព្វថ្ងៃ​។​
​ដោយ​ឃើញ​មាន​ក្រុមហ៊ុន​ច្រើន​ចាប់ផ្តើម​សាងសង់​បុរី​ដែរ​នោះ ក្រុមហ៊ុន​របស់​អ្នក ឧកញ៉ា​បាន​ងាក​ចេញពី​ការកសាង​បុរី​ទៅ​អភិ​វ​ឌ្ឃ ជា​អគារ​ពាណិជ្ជកម្ម និង​ខន់​ដូ​រវិញ ដែលមាន វិមាន​កាណាឌីយ៉ា និង រូ​៉​សខន់​ដូរ​ជាដើម ។​
ការអភិ​វ​ឌ្ឃ​ចុងក្រោយ​ដែល​កំ​ពុង​តែ​ជោគ​ជ័​យ​បំ​ផុត​របស់​អ្នកឧកញ៉ា​គឺ​គ​ម្រោ​ង​កោះ​ពេ​ជ្យ​ដែល​មាន​ផ្ទៃដី រហូតដល់​ជាង ១០០​ហ​ត​។ ដី​ដែល​ធ្លាប់​មិន​មានតម្លៃ​ខ្ពស់​សោះ ក្រោយ​ការ​អភិ​វ​ឌ្ឃ តំបន់​នោះបាន​ទ្បើង​ថ្លៃ ក​ប់ព​ពក ជា​តំបន់​ដែល​ត្រូវប៉ាន់​បំ​ផុត​មួយ​នៅ​ភ្នំ​ពេញ​។ ទាំង​នេះ​ហើយ​ជា​លទ្ធ​ផល​នៃ​យុទ្ធសាស្ត្រ​ទិ​ញ​ដី ដើម្បី​អភិ​វ​ឌ្ឃ មិន​ទិញ​ដើម្បី​ចាំ​ដី​ទ្បើង​ថ្លៃ​ទេ​។​
​

២. ទីតាំង ទីតាំង ទីតាំង
នេះជា​យុទ្ធសាស្ត្រ​ស្នូល​របស់លោក ហើយ​យើង​អាច​សង្កេតឃើញថា រាល់​ទ្រ​ព្យដែល​លោកបាន​អភិ​វ​ឌ្ឃ​សុទ្ធ តែ​ស្ថិតនៅលើ​ទីតាំង​ល្អ​បំផុត​។ ទីក្រុង​កោះ​ពេជ្យ គ​ម្រោងជាង ១០០​ហ​ត ជា​ប់ទ​ន្លេ​ចតុមុខ គ​ម្រោង​អូ​ទ្បាំ​ព្យ៉ា​សុ​ី​ធី ជាប់​ស្តា​ត​អូ​ទ្បាំ​ពិក កណ្តាល​ភ្នំពេញ និង​គ​ម្រោង​ចុងក្រោយ​កំ​ពុង​តែ​កសាង​ហេ​ដ្ឋា​រ​ចនាស​ម្ព័​ន្ធ គឺ​តំបន់ទីក្រុង​រណប​ជ្រោយចង្វារ​។​
Business  Cambodia ធ្លាប់បាន​សម្ភាស​អ្នក​ជំនាញ​អចល​ន​ទ្រ​ព្យ ច្រើន​នាក់​រួចមកហើយ​កន្លង​មក ហើយ​បើតាម​ពួកគាត់ ទីតាំង​ជា​កត្តា​ជោគ​ជ័យ​ចាំបាច់​បំ​ផុត​ក្នុង​ការ​វិ​និ​យោគ​លើ​វិ​ស័​យ​អចល​ន​ទ្រ​ព្យ​។ ហើយ​អ្នកឧកញ៉ា ពុង ឃាវ​សែ ជា​សហគ្រិន​មួយរូប​ដែល​អនុវត្ត​យុទ្ធសាស្ត្រ​នេះ​បានល្អ ព្រោះ​ទ្រ​ព្យគា​ត់​ស្ទើរតែ​ទាំងអស់​សុទ្ធតែ​មាន​ទីតាំង​ល្អ​ល្អ​បំ​ផុត​នៅ​ភ្នំ​ពេញ​។​

៣. តិចនិចទាក់ទាញវិនិយោគិនបរទេស
អ្នកឧកញ៉ា  ពុង ឃាវ​សែ ក៏​មាន​សារស​ម្រាប់​វិនិយោគិ​នបរទេស​ផងដែ​រថា បើ​ចង់​មក​វិនិយោគនៅ​កម្ពុជា ត្រូវ​ចេះ​ជ្រើសរើស​ដៃគូដ៏​ត្រឹមត្រូវ បន្ទាប់មក​ត្រូវ​ចេះ​រក្សា​ទំនា​ក់​ទំ​នង​ល្អ ដោយ​សម្របសម្រួល​ទៅតាម​ក្រិត​ក្រម​នៃ​រដ្ឋាភិបាល​និង​បត់បែន​តាម​និន្នាការ​អោយបាន​ត្រឹមត្រូវ និង​ជា​ចុងក្រោយ​ត្រូវ​ចេះ​ធ្វើ​ការស្រាវជ្រាវ​លើ​ទីផ្សារ​អោយ​បានច្បាស់លាស់​ជាមុនសិន មុននឹង​ចាប់ផ្តើម​ធ្វើកា​រវិ​និយោគ​។​
អ្នកឧកញ៉ា  មួយ​រយៈ​ចុងក្រោយ​នេះ​បាន​ទាញ​អ្នក​វិ​និ​យោគ​បរទេស​ជាច្រើន​ដែល​ភាគច្រើន ជា​អ្នក​វិនិយោ​គមកពី​ចិន មក​វិនិយោគក្នុង​តំ​បន់​ដែល​លោក​បាន​ត្រួសត្រាយ​ផ្លូវ​។ គាត់​ពូកែ​ទាក់ទាញ​អ្នក​វិនិយោគ​ណាស់ ដោយសារ​យើង​ឃើញ​គ​ម្រោង​អគារ​ខ្ពស់ៗ​ជាច្រើន​បាន​ដុះ​នៅលើ​ដីកោះ​ពេ​ជ្យ​។​
គួរបញ្ជាក់ថា លោក ឧកញ៉ា ពុង ឃាវ​សែ ធ្លាប់បាន​ចេញទៅ​រស់នៅ​ប្រទេស​ប្រទេស​កាណាដា​ជាមួយ​មុខរបរ​លក់​គ្រឿង​អ​ល​ង្កា​រ​៕

at  6:48 PM -  by Admin

យុទ្ធសាស្រ្ត ជោគជ័យ របស់លោកឧកញ៉ា ពុង ឃាវសែ ក្នុង អាជីវកម្ម អចលនទ្រព្